Rusiyä saqlanu ministrlığı Ukrainanıñ yağulıq, ênergetika häm xärbi sänägät obyektlarına, şulay uq portlarğa höcüm itüen citkerde.
Ministrlık belderüendä Rusiyä ğaskäriläreneñ Ukrainadağı ğamälläre turında mäğlümat birelde.
Belderüdä tönlä Ukrainanıñ yağulıq, ênergetika häm xärbi sänägät obyektlarına häm portlarına yuğarı tögällekle qorallar häm dronnar qullanıp höcümnär yasalğanlığı bilgeläp ütelde häm maqsat itep quyılğan urınnar kürsätelde.
Belderüdän kürengänçä başqala Kiyevta qanatlı raketalar citeşterüçe “Fire Point” (Ut noqtası) êşxanäsenä, dron citeşterüçe "Aêrobabovna" zavodına, timer yul transportı asqorması obyektı “Darniśa” lokomotiv skladına, Kiyev ölkäsendäge pilotsız diñgez apparatların yasaw atelyesı häm neft terminalına höcüm yasalğan.
Şulay uq Odessa şähäre häm Odessa ölkäsendäge urınnarğa da höcüm turında xäbär itelde. Alar arasında: Odessa portında Könbatışlı illär tarafınnan birelgän qoral häm xärbi texnika skladları, yağulıq tankları, Çernomorsk portındağı xärbi skladlar, portlarnıñ êşläwen täêmin itüçe 3 transformator podstanśiyase, dron cıyu atelyesı häm Orlovka çik buyı kontrole häm parom ütü punktı bar.
