Fälästin Sälamätlek saqlaw ministrlığı yäkşämbe könne yasağan açıqlawında yaw astındağı Yordannıñ könbatış üzänlegendä qanunsız kilep urnaşqan izraillelär açqan ut näticäsendä ike fälästinleneñ üterelüen xäbär itte. Bu waqıyğa ike kön êçendä xäbär itelgän ikençe ülemgä kitergän hocüm buldı.
Ministrlık açıqlawında, 24 yaş’lek Thaer Faruq Hamayel belän 57 yaş’lek Farea Jawdat Hamayelneñ Ramallahnıñ tönyaq-könçığışındajı Ebu Falah rayonında qanunsız yäşäwçe izraillelär tarafınnan açılğan ut näticäsendä hälaq buluı citkerelde.
Açıqlawda waqıyğanıñ qayçan buluı turında mäğlümat birelmäde häm başqa neçkaleklär urın almadı. İzrail armiyäse isä añlatma birü taläbenä şunduq cawap birmäde.
İzrail 1967 yıldan birle yaw astında totqan Yordannıñ könbatış üzänlegendä qırıslıq 2023 yılnıñ oktäbr ayında Ğazzägä qarşı başlanğan suğıştan soñ arttı. Ut tuqtasa da, qırıslıq waqıyğaları däwam itte.
Şimbä könne Ramallahta urnaşqan Sälamätlek saqlaw ministrlığı häm cirle xakimiyät başlığı citkergänçä qanunsız tözelgän İzrail bistälärendä yäşäwçelär Yordannıñ könbatış üzänlegendä başqa ber awıl bulğan Vadi el-Rahimgä oyıştırğan hocümdä ber fälästinle ir-at üterelde, bertuğanı isä yaralandı.
Yaqındağı Tuvani awılı şurası başlığı Möxammäd Rabai “AFP” agentlığına yasağan açıqlawında izraillelärneñ töbäktäge öylärgä kerüen häm 27 yaş’lek Amir Möxämmäd Şnarannıñ ğailäsenä hocüm itüen, Şnarannıñ soñraq hälaq buluın äytte.
Fälästin Sälamätlek saqlaw ministrlığı mäğlümatlarına kürä, İzrail köçläre häm qanunsız kilep urnaşuçılar Ğazzägä yünälderelgän İzrail suğışı başlanğan könnän birle yaw astındağı Yordannıñ könbatış üzänlegendä kim digändä 1042 fälästinlene üterde.
