Nepal wäqalätleläre Qıtaydan kisätü aluların xäbär itte: kiçäge su basulardan soñ barlıqqa kilgän kül taşıp çığarğa mömkin.

Politsiya barlıq qurqınıçsızlıq xezmätkärlären, qotqaruçılarnı häm yärdäm kürsätü operatsiyälärendä qatnaşqan keşelärne uyaw bulırğa häm kiçekmästän qurqınıçsız urınnarğa küçenergä çaqırdı.

Xäkimiyätlär bu xäbärneñ älegä raslanmağanlığın belderde häm xalıqnı "uyaw bulırğa" çaqırdı.

“Katmandu Post” xäbär itüençä, su basulardan ülüçelär sanı 469ğa citte.

Nepal xäkimiyätläre êlegräk distälägän küper cimerelüen, yullar zıyan kürüen häm êzläw-qotqaru operatsiyälärenä boralaqlar cälep itelüen citkergän ide.

1300dän artıq keşeneñ, şul isäptän, çit il keşeläreneñ, yuğaluı belderelde.

Qıtaynıñ Tibet avtonomiyäle töbägendä Nepaldağı su basular arqasında öç keşe ülgän, 558 keşe yuğalğan.

Belgeçlär bozlıq cimerelüen söyli.

Başta su basu aldınnan töbäktä cir teträw bulğan dip beldergän AQŞ Geologik tikşerenüläre üzäge mäğlümatların yañarttı häm 5,2 balllı seysmik aktivlıqnıñ çığanağı bozlıq cimerelüe buluın citkerde.

Katmanduda urnaşqan Xalıqara Tawlarnı Üsterü Üzäge belgeçläre dä su basunıñ tawlardan bozlıq kisäkläre sınıp töşüe näticäsendä kilep çıqqan qar işelüe arqasında buluın belderde.