AQŞnıñ Florida ştatındağı Talahasi şähärendä şimbä kiçendä “Florida A&M” universitetınıñ Bragg Memorial stadionı yanında bulğan atışta kim digändä 12 keşe yaralanğan.

Cirle politsiya häm universitet räsmi zatları beldergänçä 12 yaralanuçınıñ 11enä pulya tigän, alarnıñ altısı - balalar.

Talahasinıñ politsiya departamentı höcümdä yaralanuçılardan kim digändä öçeseneñ awır, 9ınıñ stabil xäldä buluın belderde.

Räsmi zatlar häm cirle matbuğat xäbärlärenä kürä atış universitetnıñ traditsion uqu yortın tämamlawçılar belän oçraşu waqıtında buldı.

Florida universitetı da Talahasidağı studentlarga, uqıtuçılarğa häm xezmätkärlärgä iminlek säbäple yabıq urınnarda qalırga kiñäş itte. Universitet üz äğzalarınıñ bu waiğağa qatnaşı buluın raslawçı bernindi dälil dä yuq dip citkerde.

Höcümneñ niçek bulğanın tikşerü däwam itä.