AQŞta “Demokrat” xalıq ışanıçlıları Ğadälät ministrı Pam Bondi häm urınbasarı Todd Blanche belän yabıq işeklär artında ütkärelgän cıyılışnı Ğadälät ministrlığınıñ Jeffri Epşteyn censi êkspluataśiyä maqsatlı keşelärne satu belän bäyle fayllarnı qarap çığu räweşe arqasında çığıp kitte.

Wäkil Robert Garsiya Bondidan ant itep häm yazmaça şahitlek birüen taläp itüçe çaqıru qäğäzen ütäp-ütämäyäçägen qat-qat sorağanın häm Bondineñ här tapqır baş tartqanın belderep: "Bu tulısınça cawapsızça oyıştırılğan” diyep, cıyılışnı "ber törle yalğan utırış” dip bäyäläde.

Wäkil Yassamin Ansari yabıq, yazılıp terkälep barmağan häm ant itüne üz êçenä almağan formatta oyıştırılğan cıyılışnıñ legal kongress utırışına hiç oxşamawın belderep, här xalıq ışanıçlısına barı tik öç minut soraw birü waqıtınıñ ayırılıp quyıluın häm här ike räsmi zatnıñ da açılış çığışın yasamawın äytte.

Ansari Bondineñ räsmi räweştä mäxkämädä qatnaşudan baş tartuın misal itep kürsätep: "Üz ğamällären yäşerüdä tağın da gäyepleräk bulıp kürendelär”, - dide.

Mäs’älä belän bäyle sorawları yuq!

Demokratlarnıñ cıyılıştan kitüenä säbäp bulğan närsä isä – Wäkillär palatasınıñ Küzätü komitetı başlığı Djayms Komernıñ Demokrat äğzaneñ Bondigä qağılışlı çaqıru qäğäzen ütäyäçäkme, yuqmı digän sorawına mısqıllap cawap birgän süzläre buldı.

Demokratlar "monı citärlek işettek” dip, zaldan çığıp kittelär.

Komer isä, “Demokratlar”nı tänqitläp, soraw birü forsatlarınıñ buluın, läkin "mäs’älä belän bäyle ber soraw da birmäwlären” belderde.

Censi êkspluataśiyä maqsatı öçen keşelärne satuda gäyeplänep xökem itelüen kötkän Epşteyn 2019nçı yılda New-Yorktağı kamerasında üle kileş tabılğan ide.

Epşteyn 2008nçe yılda Florida ştatındağı mäxkämädä baliğ bulmağan beräwne faxişälekkä êtärüdä gäyeben tanığan bulsa da, qararnı tänqitläwçelär çağıştırmaça yomşaq bulğan bu cäzanı “favoritizm” dip bäyäläde.