AQŞ Bäşar Äsadneñ bärep töşerelüenä ber yıl tulunı iskä aldı. Däwlät särqatibe Marko Rubio Süriyäneñ "yaña säxifä açuın" häm säyäsi küçeşendä "möhüm adımlar yasawın" belderde.
"Bez Süriya xalqınıñ sabırlığın xörmät itäbez häm azçılıqlarnı da üz êçenä alğan, barlıq kürşeläre belän tatu, bay häm tınıç yäşäwçe Süriyäne yaqlawıbıznı qabatlap äytäbez," -dide Rubio “X” platformasındağı belderüendä.
Senatnıñ tışqı êşlär komitetınıñ partiyalärarası citäkçeläre dä yıllıq saqlanu qanunı proektına kertelgän Äsad däwerendäge sanktsiyalärne beterüne xuplıy häm rejimnıñ cimerelüeneñ beryıllığın möhim basqıç dip bäyäli.
Komitet başlığı Djim Riç häm ölkän äğza Djinn Şaxin bolay dip äytte: "Äsadnıñ basımı qarşısında süriyälärneñ köçle häm sabırlı buluı — AQŞ sanktsiyaläre yardäme, Rusiyäneñ Äsadqa xezmät itü mömkinlegen kimetüe häm İzrailneñ İran wäkillärenä qarata urtaq qarşılığı — rejimnıñ cimerelüe häm Süriya xalqı öçen yaxşıraq kiläçäkne tudıru şartların barlıqqa kiterde."
Alda ozın yul
Senatorlar Süriyäneñ yaña idaräseneñ terrorçılıqqa qarşı urtaq çaralarğa "ciddi tuğrılıq" kürsätüen häm soñğı alğarışlarnıñ "ber yıl êlek küz aldına da kiterep bulmaslıq tınıçlıq mömkinlege" tudıruın assızıqladı.
Läkin alar Süriyäneñ "aldında äle haman ozın yul barlığın" kisätep äytte häm Dimaşqnı nigezsez saq astına alularğa häm dini büleneşlärgä nigezlängän köç qullanularğa kire qaytuğa yul quymasqa, Rusiyä häm İran täêsiren kimeterga, qanunsız narkotik häm ximik qoral zapasların yuqqa çığarırga häm yuğalğan AQŞ vatandaşların tabırğa yärdäm itergä çağırdı.
Tramp idaräse Süriyä rejimına qarşı kertelgän sanktsiyalärneñ küpçelegen waqıtlıça tuqtattı, läkin çikläwlärne tulısınça beterü öçen qanun çığaruçılarğa basım yasıy.
