Franśiya liderı Êmmanuêl Makron pänceşämbe könne yasağan belderüendä Ğazzädä berençe êşneñ İzrail belän “Xamas” arasındağı utnı tuqtatu kileşüen tulısınça ütäw häm gumanitar yärdämneñ qabat başlanuın tämin itü buluın citkerde.

Bryusseldä uzğan Awrupa berlege citäkçeläre sammitınnan soñ ütkärelgän matbuğat oçraşuında Makron AQŞ ilbaşı Donald Tramp täqdim itkän Ğazzädä ut tuqtatu planın tormışqa aşıru öçen Franśiyaneñ qararlı buluın belderde.

Ul kön sayın Ğazzägä 300 yärdäm maşinasınıñ kerüe turında äytte, idarä itü sistemasın buldıru, Fälästin xalqı rollären tanu, iminlek köçlären urnaştıru häm BMO wäqaläte belän totrıqlılıq köçlären barlıqqa kiterü kiräklegen assızıqladı.

Makron Awrupa Berlegeneñ möhim rol uynarğa äzer buluın, şul isäptän çik buyı iminlegen täêmin itü öçen Awrupa berlegeneñ çik buyına yärdäm missiyasen urnaştıru häm Ğazzädäge Fälästin poliśiyasenä öyrätü êşlären köçäytü turında äytte.

Şulay uq Ğıyraqqa xörmät beldergän Makron ilneñ möstäqıyllegen yaqlawın citkerde.

Makron sammitta Ukraina ilbaşı Volodimir Zelenskiy belän Ukrainadağı wäzğıyät turında söyläşüen açıqladı. Ul barlıq Awrupa Berlege illäreneñ Ukrainanıñ bäysezlege, möstäqıyllege häm cir bötenlegenä tuğrılığın qabatladı.

Makron şulay uq Awrupa berlegeneñ Ukrainaga yärdäm kürsätergä äzer buluın häm Rusiyägä sankśiyalär aşa basım yasaw zarurlığın assızıqlap, AQŞnıñ yaña sankśiyalär qabul itüen häm Awrupa berlege pänceşämbe könne Rusiyagä qarşı kertkän 19nçı sankśiya paketın xuplawın äytte.