Räsmi säfär belän 13 mayda Qazaqstannıñ başqalası Astanağa kilgän Törkiyä Cömhüriyäte ilbaşı Räcäp Täyyip Ärdoğan oçraşuların däwam itä.

Kiçä Bäysezlek sarayında Qazaqstan ilbaşı Qasıym Comart Toqayev belän ike yaqlı oçraşu ütkärgän Ärdoğan, Törkiyä–Qazaqstan Yuğarı däräcäle strategik xezmättäşlek şurasınıñ altınçı utırışında qatnaştı.

Urtaq matbuğat oçraşuı oyıştırğan ike lider soñraq Törkiyä–Qazaqstan Êş forumın yaptı.

Ärdoğan irtänge säğat’lärdä Törki däwlätlär oyışmasınıñ räsmi bulmağan sammitında qatnaşu öçen Astanadan Törkestanğa yul tottı.

İlbaşı Ärdoğannı Nursoltan Nazarbayev Xalıqara aêroportında Qazaqstan prem’yer-ministrı Oljas Bektenov, Törkiyäneñ Astanadağı  ilçese Mostafa Kapucu häm başqa räsmi zatlar ozatıp qaldı.

İlbaşı Ärdoğan belän xäläl cefete Äminä Ärdoğan häm anıñ yanındağı wäkillek Törkestanğa kitte.