Rusiyä ilbaşı Vladimir Putin pänceşämbe könne belderü yasap, dönyanıñ monnan soñ bernindi köç üz qağıydälären berüze bilgeli almayaçaq küp üzäkle çorğa kerüen äytep, Awrupanı xärbi küätne üsterü mäs’äläsendä kisätte.
Putin şulay uq AQŞ ilbaşı Trampnıñ Ğazzä täqdimnärenä şartlı xuplaw kürsätep, Ukraina suğışınıñ däwam itüennän Könbatışlı däwlätlärneñ cawaplı buluın belderde.
“Valday forumındağı bäxäslärdä dönyadağı wazğıyätne obyektiv häm kiñ qırlı räweştä bäyäläp bula. Berkem dä yıraqta ber keşe bilgelägän qağıydälär buyınça uynarğa äzer tügel,” – dide ul.
Rusiyä ilbaşı küp qotıplı dönya modeleneñ tağın da demokratik buluın çönki şaqtıy säyäsi häm iqtisadi aktyernıñ näticälärgä täêsir itä alaçağın citkerde.
Könbatış liderlığındağı oyışmalarnıñ üz wazıyfalarınnan çitläşüen häm säyäsi sabaq birü platformalarına äylänüen äytkän Putin BRİKS häm Şanxay xezmättäşlek oyışması kebek oyışmalarnı maqtadı, êşçänlekläreneñ äğzalär arasında çın kileşü häm tigzlekkä tayanuın citkerde.
Putin Awrupağa tuqtalıp bolay dide: “Awrupadağı şaqtıy keşe Rusiyädän ni öçen bu qadär qurqırğa kiräklegen añlıy almıy.”
Rusiyäneñ NATOğa höcüm plannarı turında yörgän süzlärne axmaqlıq dip atağan Putin xärbi küätne üsterü mäs’äläsendä tübändäge kisätüne yasadı: “Awrupadağı artqan militarizaŝiyane yaqınnan küzätep barabız. Rusiyäneñ bu yanawlarğa cawabı soñarmayaçaq. Cawap yaxşı bulaçaq.”
Ukraina suğışına da tuqtalğan Putin xäzerge wazğıyätne “Ukraina tragediyase, ukrainnar häm ruslar öçen qayğı” dip atadı.
“Kiyev citäkçelege kileşü öçen närsälär başqara alaçağın uylaşa, yaxşı bulır. Bu mäs’äläne küp tapqır söyläştek, kileşü täqdimnären yasadıq,” – dide ul.
Putin Qıtay, Hindstan, Soğud Ğaräbstanı häm Törkiyä kebek illärneñ aradaşçılıq tırışlıqlarınnan qanäğat buluın citkerde, Awrupanı isä bäreleşne belä torıp üsterüdä ğayepläde häm bolay dip däwam itte: “Qızğanıç, älegä bäreleşne tuqtatıp bulmadı läkin monnan Awrupa cawaplı.”
Putin Ğazzädäge bäreleşkä dä tuqtalıp, Yaqın Könçığıştağı wazğıyätne zamança tarix kürgän qurqınıç waqıyğa dip atadı.
Rusiyä liderı Tramp iniŝiativaları turında: “Tunnel azağında ut bula ala,” – dide.
