Qıtay däwlät mediası xäbär itüençä Qıtay ilbaşı Si Cinpiñ Pekinda Rusiyä tışqı êşlär ministrı Sergey Lavrov belän oçraştı.
Lavrov ike yaqlı mönäsäbätlärne nığıtu häm Yaqın Könçığış belän Ukrainadağı suğışlarnı söyläşü öçen Qıtayğa ike könlek säfär belän kilde.
Pekin citäkçelege bu atnada İranğa qarşı alıp barıluçı suğıştan iqtisadi yaqtan zıyan kürgän küp kenä illärneñ liderların qabul itte. Bu isemnär arasında İspaniya premyer-ministrı Pedro Sançes, Abu-Dabi täxet warisı, prinś Möxämmäd bint Zayed Äl Nahiyan häm Vyetnam liderı To Lam bar.
“CCTV” däwlät televideniyese xäbär itkänçä Lavrov Qıtay tışqı eşlär ministrı Van İ belän söyläşülär vaqıtında Rusiyä häm Qıtaynı çikläwgä yünältelgän qayber omtılışlarnı tänqıytlägännän soñ ber kön ütkäç Pekindağı Xalıq zalında Si belän küreşte.
Rusiyäneñ «RİA Novosti» däwlät mäğlümat agentlığı xäbär itüençä, Lavrov AQŞ häm anıñ berlektäşlärenä işaräläp: "Alar Qıtay häm Rusiyä Federatsiyäsen çikläwgä qarağan keçkenä masştablı, bloklarğa nigezlängän strukturalar tözep, töbäk xezmättäşlegen yuqqa çığarırğa tırışa", — dide.
