Törkiyä tışqı êşlär ministrlığı yakşämbe könne Soğud Ğaräbstanında bulğan hälakättä keşelärneñ ğomere özelüenä tirän qayğısın belderde.
Ministrlıq: "Bu faciğale hälakättä ülüçelärgä Allahı Täğaläneñ yarlıqawın telibez häm alarnıñ ğailäläre häm Soğud Ğaräbstanı xalqınıñ qayğısın urtaqlaşabız", - dip belderde.
Möhim neft' üzägendä qorbannar
Ras-Tanurada Soğud Ğaräbstanınıñ neft' gigantı “Aramco” boralağı hälakätkä oçradı. “SPA” däwlät mäğlümat agentlığı xäbär itüençä, borttağı 14 keşe hälaq bulğan.
“SPA”, Soğud Ğaräbstanı ênergetika ministrlığınıñ räsmi çığanağına sıltama belän, hälaq bulğan keşelärneñ barısınıñ da Soğud Ğaräbstanı watandaşları buluın xäbär itte.
Soğud Ğaräbstanı ênergetika ministrlığı mäğlümatları buyınça, boralaq hälakätendä, kim digändä, 14 keşe hälaq bulğan.
