Qıtay Ğazzädä utnı tuqtatu kileşüen näticäle ğamälgä aşırırğa çaqırdı, qamaw astındağı töbäktä İzrailneñ höcümnäre arqasında wäzğıyät’neñ totrıqsız bulıp qaluı turında kisätte.
Tışqı êşlär ministrlığı süzçese Lin’ Śzyan’ pänceşämbe könne Pekinda ütkärelgän matbuğat oçraşuında, 10 oktyabr’dä ğamälgä kergän utnı tuqtatu kileşüen bozuçı yaña İzrail höcümnärenä qağılışlı sorawlarğa cawap birgändä älege belderüne yasadı.
Bu höcümnär çärşämbe könne Räfaxta fälästinle qarşılıq kürsätü törkemе “Xamas” äğ’zaları belän bulğan bäreleşlärdä berniçä ğaskäri yaralanğannan soñ İzrail prem’yer-ministrı Bin’yamin Netanyaxunıñ cawap qaytarılaçağı turında äytüennän soñ buldı.
Däwlät kontrolendäge “Global Times” basmasına kürä, Lin’ Pekinnıñ utnı tuqtatunıñ tulısınça ütälüenä, gumanitar qıyınlıqlarnıñ sizelerlek ciñeläyteläçägenä häm töbäktä tınıçlıq häm totrıqlılıqnıñ mömkin qadär tizräk torğızıluına ömetlänüen belderde.
Utnı tuqtatu kileşüeneñ berençe êtabı İzrail totıqların fälästinle totqınnarga almaşu, Ğazzäne yañadan torğızu plannarın häm “Xamas” qatnaşmağan yaña idarä strukturası buldırunı üz êçenä ala.
2023 yılnıñ oktyabrennän birle İzrail höcümnäre kübese xatın-qız häm balalar bulğan 70 meñnän artıq fälästinleneñ ülemenä häm yaqınça 171 meñ keşeneñ yaralanuına kiterde.
