Yämänneñ Taiz vilayäteneñ könbatışındağı Vaziyä rayonında soñğı 24 säğattä bulğan bäreleşlär häm hawa höcümnäre waqıtında 30 xusinıñ üterelüe, yaqınça 60ınıñ yaralanuı belderelde.
Yämän armiyäsenä qarağan Taiz frontı matbuğat üzäge yasağan yazmaça belderüdä Vaziyädä İran tarafınnan xuplanğan xusilär belän bulğan bäreleşlärdä 6 xusi xärbi maşinası häm 2 tanknıñ yuq itelüe äytelde.
Belderüdä xökümät köçläreneñ xärbi oçqıçları da cirdäge berleklärgä yärdäm kürsätü maqsatınnan xusi xärbi maşinaların häm cıyılu urınnarın nişan itep aluı citkerelde.
Bäreleşlär häm hawa höcümnäre näticäsendä 30 xusinıñ üterelüe citkerelgän belderüdä, yaqınça 60ınıñ da yaralanuı äytelde.
Yämän armiyäse soñğı çorda ilneñ törle vilayätlärendä, bigräk tä Taizda, xusilärneñ poziśiyiälärenä häm cıyılu noqtalarına höcümnären arttırdı.
