AQŞnıñ Los-Andjeles şähärendäge North Hollywood rayonında metroğa kerü urınına yaqında avtomobilneñ uram satuçıları häm cäyäwlelär bulğan xalıq törkeme arasına kilep kerüe näticäsendä, berençel mäğlümatlarğa qarağanda, 3 keşe hälaq bulğan.
Los-Andjeles poliśiya departamentınıñ sośial media akkauntında yasalğan yazmaça belderüdä kiçke säğatlärdä SUV törendäge avtomobilneñ North Hollywood rayonındağı metro stanśiyäse yanında xalıq törkeme arasına kilep kerüe xäbär itelde.
Belderüdä äytelgänçä, kimendä 6 cäyäwlene bärdergän maşina yörtüçese dä xastaxanägä ozatılğan häm anıñ xäle awır.
Los-Andjeles yanğın sünderü bülege belderüendä dä, berençel mäğlümatlarğa qarağanda, 3 keşeneñ waqıyğa urınında ğomere özelüe, tağın 3 keşeneñ awır cäräxätlär belän xastaxanägä salınuı xäbär itelde.
Los-Andjeles poliśiya departamentı citäkçese Warner Castillo waqıyğa urınında matbuğatqa yasağan belderüendä, 60 yäşlär tiräsendäge avtomobil yörtüçeseneñ waqıyğa waqıtında nindider matdälär yoğıntısında bulıp bulmawın açıqlaw öçem testlar ütkärülären belderde.
Waqıyğa belän bäyle tikşerü däwam itä.
