İzrail xökümäte başlığı Bin'yamin Netan'yaxu, üz ilendä 27 oktyabrdä ütäçäk saylawlar aldınnan yanawların däwam itep, "qarşılarında torğan töp burıçnıñ - İran rejimın yuq itü buluın" belderde.

İzrail xökümät başlığı ofısınnan yasalğan belderüdä Netan'yaxunıñ Tel'-Avivtağı Kir'ya saqlanu ministrlığı kompleksında saqlanu ministrı İsrail Kats, ştab başlığı Êyal Zamir häm başqa komandirlar belän oçraşuı äytelä.

Üz çığışında Netan'yaxu İran yanawın totqarlawların, Tähran rejimınıñ "abınuın häm härwaqıttağıdan tağın da köçsezlänep qaluın" alğa sörä.

"Aldağı töp burıç - İran rejimın bärep töşerü, häm bez bu yaqtan üz mömkinleklärebezgä ışanabız", - di Netan'yaxu.

27 okyabrdä İzraildä ütäçäk saylawlar aldınnan ütkärelgän soraştırular êlekkege ğomum ştab başlığı Gadi Êyzenkotnıñ partiyäse yarışta alda baruın kürsätä.

Anketalarda artta qalğan Netan'yaxu üzeneñ yanawların köçäytä.