Rumıniyä Qara diñgez östendä hawa kiñlegenä kergän ike pilotsız oçu apparatın bärep töşerüen citkerde.

Bu - Rusiyäneñ Ukrainadağı suğışınıñ çik  ar’yağına cäyelüe  dip sanalğan waqıyğalarnıñ soñğısı.

Saqlanu ministrı Radu Miruta şimbä könne Facebook aşa yasağan belderüendä Rumıniyäneñ F-16 xärbi oçqıçları Sulina şähärennän yaqınça 20 kilometr könyaq-könçığışta ike pilotsız oçu apparatın totqarlap, bärep töşerüen belderde.

“İke pilotsız oçu apparatı ilеbezneñ hawa kiñlegenä qanunsız räweştä kergännän soñ küp tä ütmiçä, Rumıniyä xärbi pilotları tarafınnan Qara diñgez östendä bärep töşerelde, - dide Miruta.

Ministr berençe pilotsız oçu apparatınıñ cirle waqıt belän 17 säğat’ 59 minutta Rumıniyä hawa kiñlegenä kerüen häm ike minut êçendä bärep töşerelüen belderde.

İkençe dron isä hawa kiñlegenä kergännän soñ biş minut ütkäç, 18 säğat’ 5 minutta bärep töşerelgän.

Saqlanu ministrlığınıñ matbuğat belderüenä qarağanda, pilotsız oçu apparatların Rumıniyä hawa köçläreneñ ike F-16 xärbi oçqıçı totqarlağan.

NATO moña qadär dä Rumıniyä hawa kiñlegendä dürt pilotsız oçu apparatın bärep töşerde. Alarnıñ barısı da bıyıl buldı.