Räsmi zatlar süzlärenä qarağanda, sişämbe könne Paqıstannıñ tön’yaq-könbatışındağı Xayber-Paxtunxva provinśiyäsendä qorallı keşelär höcümendä maşinadağı 5 poliśiya xezmätkäre hälaq bulğan.
Paqıstan êçke êşlär ministrı Moxsin Nagvi süzlärençä, höcüm provinśiyäneñ Karak rayonında bulğan.
Hagvi höcümne ğayepläp bolay dide:” İminlek xezmätkärlärenä höcüm – varvarlıq ğamäle. Däwlät bar köçe belän cawap qaytaraçaq”.
Höcümçelärne êzläw öçen töbäkkä küp sanda qurqınıçsızlıq xezmätkärläre cibärelgän.
Höcüm öçen cawaplılıqnı ber genä törkem dä üz östenä almağan.
“Tehrik-i-Taliban Paqıstan” êlegräk küp kenä oxşaş höcümnär öçen cawaplılıqnı üz östenä alğan ide.
İslamabad Paqıstanda soñğı waqıttağı köç qullanu artuın çik ar’yağındağı Äfganstan cirlären qullanıp qurqınıçsızlıq köçlärenä höcümnar planlaştırğan terrorçılarğa bäyläde.
Qabul isä ğayepläwlärne kire qağıp, Paqıstan iminlegeneñ anıñ êçke mäs’äläse buluın belderde.
