Tönyaq Amerika aviatsiya häm ğäläm saqlanuı komandalığı (NORAD) ilbaşı Donald Trampnıñ Daniyağa bäyle avtonom töbäk Grenlandiyanı satıp alu öçen basımı kiterep çığarğan kiyerenkelek moxitenda AQŞ armiyäseneñ Grenlandiyadağı Pituffik ğaläm bazasına oçqıçlar cibärüen citkerde.

AQŞ häm Kanadanıñ urtaq saqlanu oyışması bulğan NORAD sotsial media platforması “X” çeltärendä yasağan belderüendä: “Tönyaq Amerika aviatsiya häm ğäläm saqlanuı komandalığına qarawçı oçqıçlar qısqa waqıt êçendä Grenlandiyadağı Pituffik ğaläm bazasına kilep citäçäk,” — dip äytte.

NORAD oçqıçlarnı urnaştırunıñ AQŞ, Kanada häm Daniya arasındağı saqlanu xezmättäşlege nigezendä ozaq waqıttan birle planlaştırılğan çaralarnıñ ber öleşe buluın belderde.

Komandalıq oçqıçlarnı cibärüneñ Daniya belän koordinatsiyädä başqarıluın häm barlıq berämleklärneñ kiräkle diplomatik röxsätlär qısasında êş itüen ayırıp kürsätte. Belderüdä, şulay uq, Grenlandiya räsmi zatlarına planlaştırılğan operatsiyälär turında mäğlümat citkerelüe äytelde.

Oçqıçlarnıñ Tönyaq Amerikanı saqlawğa yünältelgän ğadättäge häm tarqaw operatsiyälärgä yärdäm itäçäge citkerelde.

Êlek Tule (Thule) hawa bazası iseme astında bilgele bulğan Pituffik ğaläm bazası — Grenlandiyanıñ tönyaq-könbatışında urnaşqan AQŞ xärbi ob’yektı. Bu ob’yekt êlemtä üzäge bularaq xezmät itä häm raketalar turında aldan kisätü sistemasın eşlätä.

Daniya Patşalığına bäyle avtonom töbäk bulğan Grenlandiya — strategik urın Arktikada urnaşuı, mineral’ baylıqları häm Rusiyä belän Qıtaynıñ töbäktäge täêsirenä bäyle qurqular säbäple Trampnıñ iğtibarın cälep itte.

Daniya da, Grenlandiya da utrawnı tapşıruğa qağılışlı täqdimnärne kire qaqtı.