Törkiyä ilbaşı Räcäp Tayyip Ärdoğan 30 avgust Ciñü köne uñayınnan üzeneñ yullamasın yasadı.

Ärdoğan Milli köräşneñ iñ möhim êtabı bulğan Böyek Ciñüneñ 104 yıllığın ğorurlıq belän bilgeläp ütüen belderde häm xörmätle millättäşlären, Kipr törek xalqın häm dönyanıñ törle illärendä yaşäwçe watandaşlarnı 30 avgust Ciñü köne belän qotladı.

Ärdoğan, şulay uq, bäyräm şatlığın çit illärdäge missiyalärdä urtaqlaşuçılarğa räxmäten belderde häm üzeneñ qotlawnamäsendä bolay dip citkerde: "30 avgust Ciñüe belän meñ yıl irekle yäşägän cirlärebezneñ mäñgelek watanıbız ikänlege tağın ber tapqır raslandı. Cömhüriyätebezne tözügä kitergän Böyek Ciñü böten dönyağa millätebezneñ berqayçan da buysınunı qabul itmäyäçägen belderde häm, şulay uq, geografiyäbezneñ imperialistik yawlap alınuın özügä öleş kertte".

İlbaşı Ärdoğan 104 yıl êlek, törle awırlıqlarğa qaramastan, tulayım xalıq kürsätkän nıqlıq, qıyulıq häm ixtiyar köçeneñ bügen dä iñ köçle motivatsiya çığanağı bulıp qaluın belderde. Ul bolay dip östäde: "Törkiyä, üzeneñ danlı tarixınnan ilham häm üz-üzenä ışanıç alıp, ênergetikadan saqlanu sänäğatenä, fän häm texnologiyädän alıp tışqı säyäsätkä qadär här ölkädä yazğan uñış tarixları belän maqsatlarına taba totrıqlı räweştä alğa bara. Suğışlar, nızağlar, krizislar häm säyäsi bilgesezleklär, bigräk tä, bezneñ töbäktä häm dönyada, artıp barğan çorda, Törkiyä üzeneñ printsipial, nıqlı häm gumanitar nigezle säyäsäte belän ayırılıp tora."

İlbaşı Ärdoğan üz möräcäğatendä bolay dip bilgeläp ütte:

"Min qanäğatlek belän şunı äytergä telim: bügen, qaydan ğına bulmasın, zolımnı buldırmasqa tırışuçı, kem bulularına qaramastan, cäberlängännär yanında toruçı häm kiräk bulğanda, üz öleşen kertüdä ikelänmägän Törkiyä bar. "Östäge zäñğär kük işelgängä, astagı qarañğı cir yarılğanğa qadär", berkem dä Törkiyäne häm törek milläten anıñ qotlı köräşennän tuqtata almayaçaq."