Yordannıñ basıp alınğan Könbatış üzänlegendä Nablus yaqınındağı ber awılğa yasalğan höcümdä İzrailneñ qanunsız kilep urnaşuçıları dürt fälästinlene yaraladı.
Fälästin radiosı Nablusnıñ könyaq-könçığışındağı Yatma awılında dürt fälästinleneñ İzrailneñ qanunsız kilep urnaşuçıları tarafınnan qıynaluın häm alarğa äçe gaz sibelüen, waqıyğadan soñ bu keşelärneñ tännärendä kügärgän urınnar häm buu bilgeläre qaluın citkerde.
Başqa ber waqıyğada isä Ramallahnıñ tönyäq-könçığışındağı Sincil şähärçegeneñ çitendä fälästinlelär İzrailneñ qanunsız kilep urnaşuçılarınıñ höcümenä duçar bula. Bu oçraqta yaralanuçılar turında mäğlümat birelmäde.
Yordannıñ basıp alınğan Könbatış üzänlegeneñ könyäğında aktivist Osama Maxmara, İzrailneñ qanunsız kilep urnaşuçıları Äl-Xälilneñ könyäğındağı Masafer Yatta töbägendä höcümnär oyıştıruın äytä. Maxmara höcümnärneñ, mallarnı öylär arasına häm awıl xucalığı cirlärenä cibärep, uñışqa häm milejkkä zarar kiterüne üz êçenä aluın belderde.
Maxmara, qanunsız kilep urnaşuçılarnıñ, şul uq waqıtta, Kirbet al-Tabban cämäğatçelegeneñ qoymaların, ağaçların häm su deposın yuq itep, yäşäw çığanaqlarına zarar kiterergä häm cirne basıp alırğa tırışuların äytte.
Meñnärçä qanunsız kilep urnaşuçı höcüme bar
Räsmi oyışma bulğan Kolonizatsiyä häm divarğa qarşı toru komissiyäse mäğlümatlarına qarağanda, İzrailneñ qanunsız kilep urnaşuçıları 2025nçe yılda Yordannıñ basıp alınğan Könbatış üzänlegendä fälästinlelärgä häm mölkätlärenä qarşı yaqınça 4 meñ 723 höcüm oyıştırğan. Bu höcümnärdä 14 fälästinle ülgän häm 13 bädäwi cämäğätennän 1 meñ 90 keşe üz cärlärennän quıp çığarılğan.
Räsmi Fälästin mäğlümatlarında belderelgänçä, 2024 yıl axırına Yordannıñ basıp alınğan Könbatış üzänlegendäge İzrailneñ qanunsız kilep urnaşuçıları sanı 180nän artıq toraq punktta häm 256 xärbi noqtada 770 meñgä citkän.
Berläşkän Millätlär Oyışması basıp alınğan Fälästin cirlärendäge İzrail toraq punktlarınıñ xalıqara xoquq buyınça qanunsız buluın, ike däwlätle çişeleş ömetlären zäğıyfländerüen belderä häm distälärçä yıl buyı kilep urnaşu aktivlığın tuqtatunı taläp itä.
