G20liderlar sammitı Könyaq Afrikanıñ Joxannesburg şähärendä açıldı. 2 könlek söyläşülär öçen cıyılğan qatnaşuçılar qarşında Könyaq Afrika ilbaşı Kiril Ramafosa berençe çığışnı yasadı.

Afrika qıytğasında uzdırılğan täwge G20 sammitında az keremle illärneñ burıç yögen azaytuğa iğtibar yünälteläçäk — bu üsep kilüçe barlıq qatlamnar öçen üseşne kirtäläwçe töp problemalardan sanala.

Liderlar, şulay uq, klimatqa adaptatsiya,çista ênergiyägä küçü häm başqa östenlekle mäsälälärne dä qarayaçak.

AQŞ G20dä qatnaşmıy

Könyaq Afrika tışqı êşlär ministrı Ronald Lamola bu atnada tarixi G20 sammitında 42 ilneñ qatnaşuı kötelüen äytkän ide.

AQŞ, G20neñ nigez saluçı äğzası bulsa da, bu yılnıñ sammitına boykot belderde.

Älege ay başında AQŞ ilbaşı Donald Tramp Joxannеsburgqa Amerikadan wäkil cibärmäyäçägen iglan itt. Ul Könyaq Afrikanı aq afrikaner xalqına qarşı “keşe xoquqların bozuda” ğayepläde. Qarşı yaq bu süzlärneñ bötenläy nigezsez buluın belderde.

Bıyıl Vaşington belän Pretoriya arasındağı mönäsäbätlär, tışqı häm êçke säyäsättäge kileşmäwçänleklär säbäple, iñ tübän däräcägä töşte.

1999 yılda tözelgän G20 19 däwlät häm ike regional' qorılış — Awrupa Berlege häm Afrika Berlegennän tora.