İzrail armiyäseneñ, utnı tuqtatuğa qaramastan, Ğazzä sızığınıñ könyağındağı Xan Yunıs şähäre belän üzäk öleşendäge Büreyc häm Mäğazi qaçaqlar lagerlarında tınıç xalıqqa häm öylären taşlap kitärgä mäcbür bulğan keşelär sıyınğan çatırlarğa oyıştırğan höcümnärendä 9 keşe yaralanğan.

Cirle çığanaqlardan alınğan mäğ’lümatlarğa qarağanda, İzrail armiyäse 2025 yılnıñ 10 oktyabrendä ireşelgän utnı tuqtatuğa qaramastan, Ğazzä sızığınıñ könyaq, üzäk häm tönyaq öleşlärendä höcümnären däwam itä.

İzrail ğaskärläreneñ Ğazzäneñ könyağındağı Xan Yunıs şähäreneñ Xämäd rayonında tınıç xalıqqa ut açu näticäsendä, 3 keşe, şul isäptän 1 xatın-qız yaralanğan.

Şähärneñ Ämäl mäxälläsenä oyıştırılğan artilleriya höcümendä dä 2 keşe cäräxätlängän.

İzrail ğäskärläre Ğazzä sızığınıñ üzäk öleşendäge Büreyc häm Mäğazi qaçaqlar lagerlarında öylären taşlap kitärgä mäcbür bulğan fälästinlelär sıyınğan çatırlarğa ut açqan.

 Berençe mäğlümatlarğa qarağanda, höcümdä 2 keşe yaralanğan.

Büreyc qaçaqlar lagerında Äbu är-Räws ğäiläseneñ yortı da dä İzrail artilleriyäse höcümenä duçar bulğan.

Kimendä 2 keşe yaralanğan höcümnän soñ öydä yanğın çıqqan, tirä-yaq töbäklärgä dä köçle artilleriya utı açılğan.

İzrail ğäskärläre Cibaliya cirlegenä dä artilleriyä höcümnären däwam itkän.