Polşa premyer-ministrı Donald Task sişämbe könne belderü yasap, iminlek köçläreneñ ilneñ törle urınnarında sabotajğa äzerlänüläre şöbhäse belän 8 keşene qulğa alıuların citkerde.

Räsmi zatlarğa kürä Polşa küptännän Rusiyäneñ gibrid suğış taktikaları qısalarında maqsatta bulğan illär arasında. Mäskäw citäkçelege isä bu ğayepläwlärne kire qağa.

Task “X” platformasında bolay dip yazdı: “İlneñ iminlek xezmäte qalğan oyışmalar belän xezmättäşlek başqarıp, soñğı könnärdä ilneñ törle urınnarında sabotajğa äzerlänüläre uylanılğan 8 keşene qulğa aldı. Operaŝional êşçänleklär däwam itä.”

Maxsus xezmätlärdän cawaplı ministr Tomaş Semonyak isä “X”ta tübändägeçä yazdı: “Xäzerge êşçänleklär xärbi qorılmalar häm kritik infrastrukturadağı obyektlarda küzätü êşen, sabotaj ğamälläre öçen transport çaraların äzerläwne, şulay uq höcümnärne turıdan başqaru mömkinleklären tikşerüne üz êçenä ala.”