Törkiyä play-off matçında Kosovonı 0-1 isäbe belän ciñep, finalda qatnaşu xoquqına iyä buldı.

Komandağa ciñü kitergän golnı 53 nçe minutta Käräm Aktürkoğlu kertte.

Törkiyä ilbaşı Räcäp Tayyip Ärdoğan “Bezneñ yegetlär” dip atalğan cıyılma futbol komandasın finalğa çığuları belän qotladı.

Ärdoğan cıyılma komandanıñ 24 yıldan soñ futbolnıñ iñ zur säxnäsendä Törkiyäne köçle räweştä täq’dim itüne kötüen  belderep bolay dide:
“Bezneñ yegetlär”neñ härwaqıttağıça ay-yoldızlı formanı ciñüdän ciñügä iltäçägenä, millätebezne ğorurlandıraçağına ışanam”.

Ul şulay uq  komandağa Avstraliya, Paragvay häm AQŞqa qarşı törkem matçlarında uñışlar teläde.

Törkiyä üz tarixında ike tapqır Dön’ya kubogına çıqtı.

Törkiyä berençe tapqır finalda 1954 yılda qatnaştı, läkin törkem êtabında uñışqa ireşä almıyça töşep qaldı.

Törkiyäneñ finalda ikençe tapqır qatnaşuı bötenläy başqa näticägä kiterde. 2002 nçe yılğı Kön’yaq Koreya häm Yaponiya bergäläp uzdırğan Dön’ya kubogında Törkiyä öçençe urınnı aldı häm tarixi uñışqa ireşte.