Portugaliyada küzätelgän «Çarl’» tropik dawılı ildä tormışnı tuqtattı.
Tiskäre hawa şartları säbäple ilneñ üzäk häm könyaq töbäklärendä «qızıl» töstä kisätü yasaldı. Bu töbäklärdä mäktäplär yabıldı, zarur bulmağan däwlät xezmätläre tuqtatıldı.
Räsmi zatlar transport tarmağına da zur yoğıntı yasağan dawıl arqasında il külämendä 350dän artıq oçqıç säfäreneñ ğämäldän çığarıluın belderde.
Portugaliya aêroportları operatorı “ANA” mäğlümatlarına qarağanda hawa şartlarınnan iñ küp Lissabon hawa mäydanı zıyan kürgän. Faro, Porto häm Madeyra utrawındağı aêroportlarda da oçışlar ğämäldän çığarılğan.
Köçle yawım-töşem belän bergä tizlege säğatenä 130 çaqrım bulğan cil dä ildäge tormışnı tuqtattı.
«Qızıl» kisätü iğlan itelgän töbäklärdä yärdäm êşläre öçen meñnän artıq xärbi xezmätkärgä wazifa birelde.
Madeyra utrawında su basu küzätelde, ağaçlar awdı. Grajdannarnı saqlaw törkemnäre 140ka yaqın urında qotqaru häm yärdäm êşläre başqardı.
Dawıl İspaniyağa dä täêsir itte
«Çarl’» dawılı Kanar utrawları belän bergä İspaniyaneñ qayber töbäklärenä dä köçle yoğıntı yasadı.
Kanar utrawlarında säğatenä 120 çaqrımnan artıq tizlek belän iskän cil häm köçle yawım-töşem diñgez häm hawa transportı xäräkäten tuqtattı. Küp kenä urınnarda mäktäplärdä yabıldı.
Dawıl İspaniyaneñ qıytğa öleşendä dä törle qıyınlıqlar tudırdı.
İlneñ üzäk öleşendäge Tormes yılğasında su däräcäse kütärelü säbäple «qızıl» töstä sörän salındı häm töbäk xalqına kisätü yasaldı.
