Rusiyä saqlanu ministrlığı çärşämbe könne xärbi oçqıçnıñ basıp alınğan Qırım yarımutrawı östendä hälakätkä oçrawın häm andagı 29 keşeneñ barısınıñ da häläq buluın belderde.

Ministrlıq citkergänçä, “An-26” xärbi oçqıçında 23 yulçı häm altı êkipaj äğzası bulğan.

"31 martta, yaqınça kiçke 6:00 säğattä (15:00 GMT), Qırım yarımutrawı östendä planlaştırılğan oçış waqıtında “An-26” xärbi oçqıçı belän êlemtä özelde", - dip xäbär itte ministrlıq.

Êzläw-qotqaru törkemnäre soñraq hälakät urının taptı häm isän qaluçılar bulmawın rasladı.

Ministrlıq älege waqıyğa urınına tikşerü öçen komissiyä cibärde.

"RIA Novosti" xäbär itüençä, oçqıç taşlı urınğa bärelgän.

Ministrlıq, şulay uq, älegä tışqı yoğıntı turında dälillär bulmawın häm başlanğıç tikşerülär hälakätneñ texnik citeşsezlek arqasında kilep çıqqan bulırğa mömkinlegen kürsätüen belderde.

2014 yılnıñ fevralendä Rusiyä köçläre Qırım yarımutrawın basıp alğaç, ber aydan soñ Rusiyä İlbaşı Vladimir Putin töbäkne räsmi räweştä Rusiyä Federatsiyäseneñ ike ayırım federal’ sub'yektına bülde.