AQŞtağı Keşe xoquqların yaqlawçılarnıñ xäbär agentlığı sişämbe könne İran külämendäge rizasızlıq çaraları waqıtında raslanğan ülüçelär sanınıñ 4 meñ 519ğa citüen belderde.

Agentlıq cıyğan mäğlümatlarğa qarağanda, protestlar 24nçe könenä kergändä, kimendä, 26 meñ 314 keşe totqarlanğan häm 5 meñ 811 keşe awır yaralanğan.

Agentlıq tağın 9 049 ülem oçrağınıñ äle dä tikşerelüen äytte.

Oyışma bu sannarnıñ kiñ külämle internet özekleklärı, köçle basım häm mäğlümatqa ireşü çiklängän şärtlärdä terkälüen belderep, çın qorbannar sanınıñ küpkä yuğarıraq buluı mömkinlege turında iskärtte.

İran riyalınıñ kisken qıymmäten yuğaltuı häm naçarayğan iqtisadi şartlar säbäple protest dulqınnarı uzğan aynıñ 28 dekabrendä Tähran qalasındağı Zur Bazarda başlandı. Çaralar soñraq küpsanlı başqa şähärlärgä dä cäyelde.

İran räsmiläre il külämendä tınıç cämäğat urınnarında höcümnär oyıştıruçı “qorallı ğıysyançılarnı” yaqlawda AQŞ häm İzrailne gäyepläde.

AQŞ ilbaşı Donald Tramp, demonstrantlar üterelsä, nıqlı cawap qaytaraçağı belän berniçä märtäbä yanadı, ämma soñraq Tährannı yözlärçä planlaştırılğan ülem cäzasın ğamäldän çığaruı öçen maqtadı.