NATO süzçese NATO berlektäşläreneñ Arktika qurqınıçsızlığın täêmin itü öçen bergä êşläyäçaklären belderde.

Süzçe çärşämbe könne yasağan belderüendä: “AQŞ ilbaşı Donal'd Tramp bilgelägän qısalar nigezendä NATO berlektäşläre arasındağı  ütkäreläçäk söyläşülär barlıq berlektäşlärneñ, berençe çiratta 7 Arktika berlektäşeneñ kollektiv tırışlıqları aşa Arktika qurqınıçszlığın täêmin itügä yünälteläçäk”,- dide.

Ul şulay uq: “Daniya, Grenlandiya häm Amerika Quşma Ştatları arasındağı söyläşülär Rusiya belän Qıtaynıñ Grenlandiyädä iq’tisadi häm xärbi dä yoğıntı yasamawın täêmin itü maqsatınnan däwam itäçäk”,- dip östäde.

Distä yıllar êçendä transatlantik mönäsäbätlärdä iñ tirän özelü qurqınıçı astında bulğan atnalar buyı kisken süzlärdän soñ Donal'd Tramp Grenlandiyäne üz qulına alu öçen qullanğan tamğaxanä salımı belän qurqıtuın kinät tuqtattı häm bäxäsne beteräçäk kileşüneñ yaqın buluın äytte.

Davosta NATO ğomum särqatibe Mark Rutte belän oçraşqannan soñ Tramp “Truth Social” saytında: “Şuşı añlayışqa nigezlänep, 1 fevral’dän köçenä kerergä tiyeşle tamğaxanä salımnarın ğamälgä kertmäyäçäkmen”, — dip yazdı.