Törkiyä ilbaşı Räcäp Tayyip Ärdoğan Kön’yaq Koreya başqalası Seulğa räsmi säfäre qısalarında texnologiya, êlektronika, biotexnologiya häm ximiya ölkälärendä êşläwçe kompaniyälärneñ yuğarı citäkçeläre belän oçraştı.

İlbaşı Ärdoğan üze tuqtağan qunaqxanädä “LG Electronics” şirkäteneñ ğomum mödire Lü Cze-Çol, “Celltrion” kompaniyäseneñ citäkçese So Czin-Sok, “SK Chemicals” häm “SK Plasma” kompaniyäläreneñ başlığı Caexyun An, “Hyundai Motor Group”nıñ gomum mödire Çung Eyüsun häm alar belän bergä barğan delegatsiyälär belän oçraştı.

Oçraşuları qısalarında ilbaşı Ärdoğan, şulay uq, “Samsung” kompaniyäseneñ citäkçese Ro Te Mun, “Chemtronics Wits” kompaniyäseneñ räise Kim Bokyun häm “Korea Electric Power Corporation” (KEPCO) vitse-prezidentı häm yaña biznes buyınça global’ citäkçese Can-hyuk Çunnı da delegatsiyäläre belän qabul itte.