AQŞ Äfğanstan häm Kolumbiyane narkotiklar belän köräştä uñışsız bulğan illär isemlegenä kertäçäk.
AQŞ ilbaşı Donald Tramp Äfğanstan, Boliviya, Myanma, Kolumbiya häm Venesuêlanıñ soñğı 12 ayda xalıqara narkotiklarğa qarşı kileşülär qısalarında yöklämälären cirenä citkermäwlären belderep, bu illärne isemlekkä kertülären açıqladı.
Älege qarar bu illär öçen täêmin itelüçe fondlarğa täêsir itä ala.
Tramp düşämbe könne belderü yasap: “Äfğanstan, Boliviya, Myanma, Kolumbiya häm Venesuêlanıñ xalıqara narkobizneska qarşı köräş kileşüläre qısalarında yöklämälären cirenä citkerü mäs’äläsendä soñğı 12 ayda uñışsız buluların iğlan itäm,” – dide.
Tramp tübändägeçä däwam itte: “Kolumbiyada ilbaşı Gustavo Petro citäkçelegendä koka üsterü häm kokain citeşterü barlıq waqıtlarnıñ iñ yuğarı däräcäsenä citte häm narkobiznes belän şöğıllänüçe terror oyışmaları belän kileşü tırışlıqları krizisnı tağın da naçarayttı.”
Läkin Tramp Kolumbiyale iminlek personalın batırlıqları häm sälätläre öçen maqtadı.
Amerikalı lider bolay dide: “Kolumbiyaneñ uzğan yılnı narkotiklarnı kontrol itü yöklämälären cirenä citkerä almawınnan säyäsi liderlik cawaplı. Xökümät koka üsemlegen yuqqa çığaru häm kokain citeşterü belän säwdäsen kimetü öçen tağın da agressiv adımnar yasasa, bu qararnı qabat küzdän kiçeräçäkmen.”
Tramp monnan alda Petronıñ narkotiklar belän köräş tırışlıqların citärsez dip atap, sertifikatnı beterü belän yanadı, Cömhüriyätçe xalıq ışanıçlıları ilgä kürsätelüçe xärbi bulmağan yärdämnärne kimetü yaqlı buluların citkergän ide.
Petronıñ cawabı
Kolumbiya ilbaşı Gustavo ilendä kontrabanda belän köräşüçe distälägän poliśiya xezmätkäre, ğaskäri häm grajdanlılarnıñ ülemmän soñ qabul itelgän bu qararnı video yullamada ğayepläde.
AQŞ qanunnarına kürä däwlät başlığı här yıl uzğan 12 ayda xalıqara narkobizneska qarşı köräş kileşüläre qısalarındağı yöklämälärne cirenä citkermäwçe illärne bilgelärgä tiyeş.
