Törkiyä ilbaşı Räcäp Täyyip Ärdoğan çärşämbe könne Qahirädän qaytqanda oçqıçta yasağan belderüendä cirle “KAAN” xärbi oçqıçınıñ maqtap telgä alınuın äytte häm Törkiyä belän Soğud Ğaräbstanınıñ saqlanu sänäğatendäge xezmättäşlekne arttıraçağın belderde.

Ärdoğan jurnalistlarğa yasağan belderüendä: “Bez “KAAN”  turında küp uñay fikerlär aldıq. Monnan tış, Soğud Ğaräbstanı belän bu ölkädä urtaq investiśiyälär turında süz bara. Bez bu urtaq investiśiyälärne telägän waqıtta ğamälgä aşıra alabız”,— dide.

Ärdoğan Änkara belän Riyadnıñ saqlanu sänäğatendä möhim xezmättäşlek kileşülärenä qul quyuın assızıqlap, Törkiyäneň bu xezmättäşlekne kiñäytergä teläwen belderde.

İran belän AQŞ arasındağı kiyerenkelekkä dä tuqtalğan  ilbaşı ike il arasındağı kiyerenkelekneñ dialog aşa xäl iteläçägenä ömet belderde häm söyläşülär östäle buldırunıñ möhimlegen  assızıqladı.

 Ğazzädäge wäzğıyät’kä dä tuqtalğan ilbaşı Törkiyäneñ Ğazzädä tınıçlıq planınıñ tiyeşençä tormışqa aşırıluın täêmin itüdä, Ğazzädä tınıçlıq häm totrıqlılıqnı torğızuda  aktiv rol’ uynayaçağın äytte.