AQŞ däwlät departamentı Yaqın Könçığıştağı berlektäşläre İzrail, Qatar, Kuveyt häm Berläşkän Ğaräp Ämirleklärenä ğomumi bäyäse 8,6 milliard dollardan artıq bulğan xärbi satunı rasladı.
Däwlät departamentınıñ comğa könge belderüläre AQŞ häm İzrailneñ İranğa qarşı suğışı başlanğanğa tuğız atna, Paqıstan aradaşçılığı belän ireşelgän totrıqsız utnı tuqtatu ğamälgä kergännän soñ öç atnadan artıq waqıt uzğaç yasaldı.
Belderügä qarağanda, Qatarğa 4,01 milliard dollarlıq Patriot hawa häm raketa saqlanu täêmin itü xezmätläre häm 992,4 million dollarlıq APKWS (Advanced Precision Kill Weapon System) sistemaları satu raslandı.
Monnan tış, Kuveytqa 2,5 milliard dollarlıq integraśiyälängän suğış idarä itü sisteması häm İzrailgä 992,4 million dollar dollarlıq APKWS (Advanced Precision Kill Weapon System) sistemaları satu raslandı.
Şulay uq Berläşkän Ğaräp Ämirleklärenä 147,6 million dollarlıq APKWS (Advanced Precision Kill Weapon System) sistemaları satu raslandı.
Belderüdä äytelgänçä, Qatar, İzrail häm Berläşkän Ğaräp Ämirleklärenä APKWS sistemaları satuda töp podryadçik BAE Systems bulaçaq.
Kuveytqa integraśiyälängän suğış idarä itü sisteması satuda häm Qatarğa Patriot hawa häm raketa saqlanu xezmätläre täêmin itüdä töp podryadçiklar - RTX Corporation häm Lockheed Martin.
Northrop Grumman da Kuveytqa satuda töp podryadçiklar isemlegendä urın ala.
