Poliśiya häm qotqaru törkemnäre beldergänçä, Paqıstannıñ tön’yaq-könbatışındağı poliśiya bülekçäseneñ kerü urını yanında   motośiklğa quyılğan şartlatqıç şartlatılğan.

Şartlaw näticäsendä aralarında ber bala da bulğan kim digändä ike keşe hälaq bulğan, berniçä keşe yaralanğan.

Düşämbe könne bulğan şartlaw yaqındağı kibetlärgä dä zıyan kitergän.

Cirle poliśiya wäqalätlese Fida Mohammad höcümneñ Äfganstan çigendäge Xayber Paxtunxva provinśiyäseneñ  Bannu rayonında buluın äytte.

Centekle mäğ’lümat birmägän wäqalätle  hälaq bulğan häm yaralanğan keşelärneñ  yaqındağı xastaxanägä kiterelüen belderde.

Höcüm öçen cawaplılıqnı ber törkem dä üz östenä amadı.

Paqıstanda soñğı yıllarda köç qullanu, qırıslıq oçraqları arttı.

Xökümät bu höcümnär öçen “Tehrik-i-Taliban Paqıstan” terror oyışması cawaplı dip sanıy.