Tramp Las-Vegasta uzğan çarada yış tänqıytlängän migratsiyä säyäsäten yaqladı.

İlbaşı wazıyfasına kereşkännän soñ küp tä ütmi, Tramp qanunsız qaçaqlar ağımın tuqtatuın belderde häm: "30 kön êçendä min millionlağan keşeneñ ilebezne basıp aluın tuqtattım. Küz aldığızğa kiteregez, ilebezgä bärep kerälär ide. Könyaq çigebezdän ilebezgä 25 million keşe kilä ide", - dide.

Tramp soñğı 15 ay êçendä ber genä qanunsız migrantnıñ da ilgä kermäwen belderde.

"Qaçaq cinayätläre afäten" beterü öçen alğa taba da êşläyäçäklären äytkän Tramp: "Sez uzğan atnada İspaniyädä närsä bulğanın kürdegez, 60 meñnän artıq migrant çik buyına ağıldı, ber şähärne basıp aldı, ğayepsez watandaşlarğa höcüm itte häm uramnarnı taladı. Kommunistlar Amerika öçen dä şunı uq teli", - dip belderde.

Tramp AQŞ migratsiyä häm tamğaxanä zezmäte (ICE) tarafınnan ütkärelgän totqarlawlarnı häm deportatsiyälärne yaqlap: "Bez härwaqıt xoquq saqlaw organnarıbız yanında toraçaqbız", - dide.