Törkiyä ilbaşı idaräseneñ êlemtä bülege başlığı Burhanettin Duran Änkarada uzuçı Törki däwlätlär oyışmasınıñ 13nçe sammitı turında belderü yasadı.
"Törki dönya – urtaq tarixi xäterdän köç alğan, ğasırlar däwamında tel, mädäniyät häm śivilizaśiya mirası belän bäylängän kiñ tuğanlıq geografiyäse. Bügenge köndä bu tirän bäyläneşlär Törki däwlätlär oyışması qanatı astında urtaq ixtıyarğa, teläktäşlekkä häm konkret xezmättäşlekkä äylänä”.
Duran Törki däwlätlär oyışmasınıñ 2026 yılğı Änkara sammitınıñ urtaq kiläçägebezne formalaştıru telägebezneñ häm törki dönya arasında teläktäşlekne tağın da üsterü täwäkkällegebezneñ möhim çağılışı buluın assızıqladı.
"İlbaşımız Räcäp Täyyip Ärdoğan citäkçelegendä törki dönya belän mönäsäbätlärebezne här ölkädä üsterep kiläçäkkä taba atlıybız. Ütkännän alğan köç belän qardäşlegebezne kiläçäk buınnarğa citkeräçäk tağın da köçle häm tağın da nığraq berläşkän törki dönya öçen êşlibez", – dide ul.
