İlbaşı Donald Tramp AQŞnıñ İran belän kileşü tözü kiräklegen häm kiläse ay êçendä kileşüneñ tözeläçägenä ışanuın äytte.

İzrail premyer-ministrı Binyamin Netanyaxu isä saqlıq belän yaqlaw kürsätep, Trampnıñ mondıy kileşü öçen şartlar tudıra alaçağın belderde.

Çärşämbe könne Netanyaxunı Aq yortta qabul itkännän ber könnän soñ belderü yasağan Tramp, Vaşington belän Tähran citäkçelekläre arasındagı atom-töş programma söyläşüläreneñ kiläse ay êçendä näticä birüen ömet itüen äytte.

"Kileşü tözärgä tiyeşbez, yugıysä bu bik travmatik bulaçaq, bik travmatik. Monıñ buluın telämim, ämma kileşü tözergä tiyeşbez," — dide Tramp jurnalistlarğa.

Tramp İranğa basım yasaw öçen Yaqın Könçığışqa ikençe aviataşuçı köymä cibärü turında uylanuın da belderde. Ul uzğan yılnıñ iyül ayında İzrailneñ İran belän 12 könlek suğışı waqıtında Tähran citäkçelegeneñ atom-töş obyektlarına oyıştırılğan AQŞ xärbi höcümnären xäterlätte.

"Alar belän kileşü tözep tözi almawıbızğa qararbız, ägär dä bulmasa, ikençe êtapka küçärgä mäcbür qalırbız. İkençe êtap -  alar öçen bik awır bulaçaq," — dide Tramp.

Çärşämbe könne Vaşingtonda Tramp belän oçraşqan Netanyaxu isä, AQŞ ilbaşınıñ xärbi xäräkätne buldırmayaçaq kileşü öçen nigez äzerläwen ömet itüen äytte.

Bu, Tramp uzğan yılnı wazıyfasına qaytqannan birle alar arasındagı cidençe oçraşu buldı.

Yabıq işeklär artında ike sägät yarımnan artıq barğan söyläşülärdän soñ belderü yasağan Netanyaxu şöbhäle buluın citkerüen läkin kileşü tözelsä, anıñ İzrail öçen bik möhim matdälärne üz êçenä alırğa tiyeşlegen açıqladı.

Bolarnıñ İran atom-töş programmısınıñ tuqtatıluı, ballistik raketalarnı çikläw häm İrannıñ töbäktäge wäkillären çikläw buluın äytte.