“Yonhap” mäğ’lümat agentlığı comğa könne xäbär itkänçä, Qıtay häm Kön’yaq Koreya saqlanu wäqalätleläre 15 yıllıq tänäfestän soñ diñgezdä êzläw-qotqaru urtaq künegülären (SAREX) yañadan başlatu turında fiker alıştılar.

Räsmi zatlar pänceşämbe könne Pekinda öç yıldan artıq tänäfestän soñ uzdırılğan 21 nçe ike yaqlı saqlanu säyäsäte cıyılışında oçraştılar.

İke yaq ta saqlanu ölkäsendäge xezmättäşlekne yañadan başlaw  tırışlıqların uñay bäyäläde häm strategik dialog kanalların qabat canlandıru, şulay uq saqlanu organnarı arasındağı êlemtälär dairäsen kiñäytü öçen tığız xezmättäşlek itärgä kileşte.

SAREX künegüläre 2005, 2007 häm 2008 yıllarda ütkärelgän ide, ä soñğısı 2011 yılda uzdı.

Bu oçraşu ike ilneñ dä ğıynwar başında Kön’yaq Koreya ilbaşı Li Çjê Myen belän Qıtay däwlät başlığı Si Cinpiñ arasında uzğan yuğarı däräcädäge oçraşudan soñ ike yaqlı mönäsäbätlärne üsterü, çişelmi qalğan mäs’älälärne xäl itü öçen adımnar yasıy başlawı qısalarında ütte.