AQŞ däwlät departamentı belderüendä Ukraina hawa saqlanu sistemaların nığıtu öçen kiräkle cihazlar häm xezmätlärne üz êçenä alğan 2,68 milliard dollarlıq potenśial’ satunı raslağan.
Belderüdä aytelgänçä, älege satu Ukrainanıñ saqlanu säläten nığıtaçaq, Ukraina S-300 klon raketaları, GAM-67 raketaları, ozaytılğan radiuslı lazer belän idarä itelä torğan hawa saqlanu raketa sistemaları häm pilotsız oçu apparatlarına qarşı radarlar sorağan.
Satu paketına zapas deatal’lär, programma täêminatı, texnik xezmät kürsätü häm tözekländerü yärdäme, şulay uq injenerlıq, texnik häm logistik yärdäm xezmätläre kerä.
Belderüdä äytelgänçä, satu töbäktäge töp xärbi balansnı üzgärtmäyäçäk, satunıñ töp podryadçikları AQŞ xökümäte tarafınnan ütkäreläçäk konkurentlı tender prośessları aşa bilgelänäçäk.
