Berläşkän Millätlär Oyışması Süriyädä waqıtlı orğan häm qanun çığaru mäclese tözelüne ildä küçeş çorınıñ aşığıç mäs’älälären  xäl itü öçen möhim adım dip atadı.

BMO süzçese Stefan Dyujarriq matbuğat oçraşuında jurnalistlarğa yasağan belderüendä BMOnıñ maxsus wäkil byurosınıñ kiçä ütkärelgän saylawlarğa iğ’tibar itüen belderde.

Düjarriq: “Räsmi näticälärneñ iğ’lan itelüe häm mäclestäge qalğan urınnar öçen ilbaşı bilgeläwe mäs’äläsendäge waqıyğalarnı älbättä küzätep baraçaqbız”, — dide.

Ul şulay uq: “BMO Maxsus wäkil byurosı ğomumän saylaw prośessına qatnaşmadı, bezdän bernindi saylaw yärdäme soralmadı”,— dide.

“Waqıtlı orğan häm waqıtlı qanun çığaru mäcleseneñ tözelüe, küçeş çorında aşığıç xoquqıy häm institutśional’ mäs’älälärne xäl itü yağınnan möhim adım bulıp tora”, — dide ul.

Ul Süriyä cämğıyäteneñ böten öleşläreneñ qatnaşuın täêmin itü öçen haman da zur tırışlıqlar kiräklegenä basım yasadı.

Bu belderülär yäkşämbe könne Süriyädä Xalıq Mäclese öçen ütkärelgän saylawlar belän bäyle räweştä yasałdı.

Bu saylaw — Bäşar Äsäd rejimı cimerelgännän soñ ütkärelgän berençe saylaw buldı.

İl külämendä saylaw komissiyälärennän saylanğan yaqınça 6 meñ saylawçı 210 urınlı mäclesneñ öçtän ike öleşen bilgeläw öçen tawış birde.

Yaña küçeş sisteması qısalarında 140 urın şuşı tawış birülär belän bilgelände; qalğan 70 äğ’za isä ilbaşı çığaraçaq qararname belän bilgelänäçäk.