İran ilbaşı Mäsüd Päzäşkiyan üz ileneñ AQŞ belän suğışırğa telämäwen häm söyläşülär aşa kileşügä ireşergä äzer buluın belderde.

Mäsüd Päzäşkiyan Nyu-Yorkta “Fox News” kanalınıñ sorawlarına cawap birde, anda ul 81nçe Berläşkän Millätlär Oyışması ğomum şurasınıñ berençe atnalıq utırışlarında qatnaşa.

İran suğışnı östen küräme, ällä kileşüneme diğän şorawğa Päzäşkiyan: "Bez suğışnı saylamıybız, bezgä suğış tağıldı, bez suğış yaqlı tügel", - dip cawap birde.

Päzäşkiyan, Ormuz buğazındağı bäxäslär arqasında cimerelgän, läkin êlegräk 60 kön êçendä tınıçlıq kileşüen tözüne küz aldında totqan iyun kileşüenä sıltama yasap, Tährannıñ Vaşington belän kileşü tözergä äzer buluın assızıqladı.

İke il arasındağı kiyerenkelek däwam itkändä, İran ilbaşı, tatulaştıruçı belderülär yasap: "Bez sezneñ ilbaşığız (Donald Tramp) belän kileşügä ireştek. Şuña nigezlänep, bez alğa barırğa äzer", - dide.

Mäsüd Päzäşkiyan äytüençä, 28 fevral'dän birle däwam itkän suğışnı tuqtatırğamı-yuqmı ikänen saylawnı AQŞ yaşarğa tiyeş.

Päzäşkiyan İrannıñ xalqara xoquq häm atom-töş qoralın taratmaw turındağı kileşü belän üz yöklämälären ütäyäçägen belderde, häm Yämändäge “Xusilär” turında ul: “Xusilär” üz ğamälläre öçen üzläre cawaplı. Alar bezdän boyırıq almıy", - dide.

Päzäşkiyan yaqınça ber ay êlek İran liderı Muctäba Xameney belän "şäxsän" oçraşuın, anıñ qayda buluı turında farazlawın häm anıñ yanında yaqınça cide säğat ütkärüen belderde, şulay uq, anıñ sälämätlege "bik yaxşı" buluın östäde.