İzrail matbuğat çaraları xäbär itüençä, İzrail üzeneñ xärbi köçlären häm cir öste okkupatsiyäsen Livan territoriyäsenä 8 kilometrğa qadär kiñäytergä planlaştıra.

“14 nçe kanal” citkergänçä, İzrail armiyäse Livanda 18 yaña xärbi baza tözi başlağan. Bu bazalarnıñ qayberläre Livan territoriyäseneñ tiranlegendä urnaşqan dip belderelä.

Xisapta äytelgänçä, İzrail räsmiyläre arasındığı fiker alışular nätiçäsendä Livan territoriyäsen Litani yılğasına qadär, "häm qayber rayonnarda annan da arıraq" tulısınça kontroldä totu turında qarar qabul itelgän.

Xäbärlärgä qaraganda, bu qarar "İzrail armiyäseneñ operativ saqlanu sızığın xalıqara çiktän Livan territoriyäsenä, kim digändä, 8 kilometr êçkä küçerüne" üz êçenä ala.

Livannıñ töp yılğası bulğan Litani yılğası ilneñ tawları arasındığı Bekaa üzäne aşa ağa.

İzrail 2 marttan birle Livannı hawa höcümnäre belän bombağa tota häm könyak Livanğa cir öste höcümen başladı.

Livan räsmiläre İzrail höcümnärendä, kim digändä, 1072 keşeneñ häläq buluın häm 2966 keşeneñ yaralanuın belderä.