AQŞ ilbaşı Donal’d Tramp Nigeriyädä xristianlıqnıñ qurqınıç astında buluın belderde häm könbatış Afrikada urnaşqan bu ilne AQŞ däwlät departamentınıñ küzätü isemlegenä kertüen citkerde.
Tramp comğa könne “Truth Social” platformasında bolay dip yazdı:
“ Nigeriyädä xristianlıqqa zur qurqınıç yanıy. Meñlägän xristian üterelä. Bu küpläp üterülär öçen radikal islamçılar cawaplı”.
Ul şulay uq Afrikanıñ iñ zur neft’ citeşterüçe ile Nigeriyäne AQŞnıñ din iregen bozu oçraqları bar dip sanalğan illär urın alğan “ Möhim borçılular tudıruçı illär” isemlegenä östäwen dä äytte.
AQŞ däwlät departamentı saytına kürä, älege isemlekkä Qıtay, M’yanma, Tön’yaq Koreya häm Rusiya da kerä.
Tramp äytüençä, ul AQŞ Wäkillär palatası äğ’zaları Riley Moore häm Tom Cole belän bergä Wäkillär palatası finanslar komitetınıñ bu mäs’äläne tikşerülären häm bu xaqta xisap tapşıruların soragan.
