İzrail armiyäseneñ, utnı tuqtatuğa qaramastan, Ğazzä sızığına soñğı höcümnärendä ülüçelär sanı öçkä citte.

Xastaxanä çığanaqları mäğlümatlarına qarağanda, bügen irtän Xan Yunısnıñ könbatışındağı Mawassı rayonında İzrail armıyäseneñ ber watandaşnıñ maşinasına höcüme näticäsendä tağın ber fälästinle hälaq bulğan.

Soñğı ülem oçraqları belän, Mawassıdağı höcümda ülüçelär sanı ikegä citte.

İkençe yaqtan, kiçä kiç Xan Yunısnıñ tön'yağındağı Satır rayonında İzrail ğaskäriläre açqan ut näticäsendä yaralanğan 24 yäşlek Yax'ya Äbu Sumur irtän küzlären mäñgelekkä yomdı.

2025 yılnıñ 10 oktyabrendä üz köçenä kergän utnı tuqtatuğa qaramastan, İzrail armıyäse kön sayın diyärlek Ğazzä sızığına höcüm itüen däwam itä.