Pänceşämbe könne Parij cinäyät mäxkämäsende, Frantsiya ilbaşı idaräsennän 370 000 yevro (437 000 dollar) bäyäsendäge farfor kisäklären urlawda ğayeplänep, öç keşe xökem qarşına bastı.

“BFM TV” xäbär agentlığı belderüençä, ilbaşı idaräseneñ ber qazna xezmätkäre, anıñ partnerı häm Luvr qarawılçısı, Yelisey sarayınnan urlanğan distälärçä farfor kisägen urlaw häm saqlawda ğayeplänep xökem itelä.

Mäxkämä êşendä qatnaşuçı Frantsiyanıñ “Sèvres” êşxanäse "här tälinkäne yaqınça 5 000 yevro" dip bäyäläp, zararnıñ 370 000 yevro buluın farazladı.

Mäxkämä êşe zinnätle tabaq-sawıtlarnıñ añlatıp bılmaslıq räweştä yuğaluınnan soñ başlanıp kitä häm inspektorlar şunda uq yañadan satu çeltärenä iğtibarın yünältä.

Wazıyfası buyınça qayber watıq kisäklärne alırğa röxsäte bulğan xezmätkär, êşxanädän tözek detal’lärne aluda, äşnäse isä alarnı satuda ğayeplänä.

Şu uq waqıtta, "iskitkeç kollektsioner" dip bäyälänüçe Luvr resepsionistı, sanı turında hiç şöbhälänmiçä, "yaqınça 150 kisäk" satıp aluda ğayeplänä.