“The New York Times” gazetı sişämbe könne AQŞ ilbaşı Donal’d Tramp idaräseneñ Netanyaxunıñ “Xamas” belän tözelgän Ğazzä utnı tuqtatu kileşüen qurqınıç astına quya aluına borçıluın beldergän xäbär bastırdı.
Gazetnıñ isemen äytergä telämägän Aq Yort räsmi zatlarına nigezländergän xäbärenä qarağanda, AQŞ viśe-prezidentı Djeyms Dêvid Vênsnıñ İzrailgä säfäre Netanyaxuga Ğazzädäge utnı tuqtatu kileşüen ütäw öçen basım yasaw häm citäkçelekneñ kileşüne saqlawdağı qatğıylığın simvolik räweştä kürsätergä teläwe.
AQŞnıñ Yaqın Könçığış maxsus wäkile Stiv Uitkoff häm AQŞ ilbaşı Trampnıñ kiyäwe Djared Kuşner da Netanyaxu häm başqa räsmi zatlar belän kileşüne ğamälgä aşıru turında söyläşülär ütkärü öçen düşämbe könne İzrailgä kilgän.
AQŞnıñ yuğarı däräcäle räsmi zatı “The New York Times”qa Uitkoff häm Kuşnernıñ utnı tuqtatu kileşüenä tarqalu qurqınıçı yanawı turında uylawların äytkän.
Çığanaqlar beldergänçä, AQŞ wäkilläreneñ İzraildäge strategiyäse Netanyaxunı “Xamas”qa qarşı tulı külämle yaña höcümnän tuqtatıp toruğa nigezlängän.
“The Times” yazuınça, Uitkoff häm Kuşnernıñ İzraildäge söyläşüläre berençe kileşüdä açıqtan-açıq bilgelänmägän, totrıqlılıq köçe buldıru häm “Xamas”nı qoralsızlandıru kebek qayber mäs’älälärgä yunälgän.
Utnı tuqtatu kileşüeneñ bozıluı
İzrail yäkşämbe könne Ğazzä külämendä ber-ber artlı ülemçel hawa höcümnäre yasap, kimendä 44 fälästinlene üterde. İzrail “Xamas”nıñ kön’yaqtağı Räfax qalasında İzrail ğäskärlärenä höcüm itüen alğa sörde.
Fälästin qarşılıq kürsätü oyışması “Xamas” bu ğayepläwlärne kire qaqtı häm utnı tuqtatu kileşüenä tuğrı qaluın belderde.
Tramp, İzrailneñ höcümnärenä qaramastan, Ğazzädäge utnı tuqtatu kileşüeneñ haman ğamäldä buluın assızıqladı.
Älege kileşü Tramp täq’dim itkän êtaplı plan nigezendä 10 nçı oktyabr’dä Ğazzädä ğamälgä kergän ide.
Plannıñ berençe êtabı fälästinle totqınnar belän izraille totıqlarnı almaşu ide.
Plan şulay uq Ğazzäne yañadan torğızu häm “Xamas” qatnaşmağan yaña idarä mexanizmı buldırunı da üz êçenä ala.
Ğazzä sälamätlek saqlaw ministrlığı mäğ’lümatına qarağanda, 2023 yılnıñ oktyabrennän birle däwam itkän İzrailneñ genośid xarakterındağı suğışı näticäsendä 68 meñnän artıq keşe hälaq bulğan, ä 170 meñnän artıq keşe yaralanğan.
