Yaponiya meteorologiya agentlığı xäbär itüençä, ilneñ könbatışında 6,2 ball zurlığında cirteträw bulğan.

 Köçle cirteträwdän soñ śunami kisätüe yasalmağan.

Zilzilä sişämbe könne cirle waqıt belän 10 säğat’ 18 minutta Şimane prefekturasınıñ könçığış öleşendä yaqınça 10 çaqrım tiränlektä tekrälgän.

Älegä ülem - kitem häm zıyan kürüçelär turında xäbär itelmägän.

“Kyodo” agentlığı beldergänçä, cirteträwdän soñ iyärçen zilzilälär dä küzätelgän.

“Chugoku Electric Power Co” şirkäte belderüenä qarağanda, Maśuêdağı Şimane atom-töş stanśiyäsendä berençe cirteträwdän soñ anomal’ xäl açıqlanmağan.

Räsmi zatlar êlektr ênergiyäse birü özelü säbäple Yaponiyäneñ könbatışında tiz yöreşle poyezd xezmätlären tuqtatqan, San’o Şikansen liniyäsendä Okayama häm Xirosima stanśiyäläre arasında da säfärlär tuqtağan.