İzrailneñ 12 nçe kanalı xäbär itüençä, dön’yadağı iñ zur aviataşuçı “USS Gerald R. Ford” comğa könne İzrail yarlarına kilep citte.

AQŞ armiyäse bu xaqta räsmi belderü yasamadı.

Xäbärdä aviataşuçınıñ pänceşämbe tönendä İzrailgä 20 AQŞ yağulıq tutıruçı oçqıçı töşkännan soñ kilüe äytelä.

İzrail kanalı êlegräk Tel’ -  Aviv yanındağı Ben Gurion aêroportına 4 Amerika KC-46A Pegasus yağulıq tutıruçı oçqıçı kilep citte dip xäbär itkän ide.

Xäbärlärgä qarağanda, bu waqıyğalar İranğa qarşı ixtimal xärbi höcüm säbäple AQŞnıñ töbäktä xärbi köçne arttıruınıñ ber öleşe.