İzrail hawa höcüme könyaq Livanda dürt keşene üterde, öç keşene yaraladı, bu kileşüne bozu oçrağı bulıp tora, dip xäbär itte Livan sälämätlek saqlaw ministrlığı yäkşämbe könne.

Räsmi milli xäbär agentlığı citkergänçä, İzrail dronı şimbä kiç Nebatiyä töbägendäge Doha-Kafarman yulında maşinaga höcüm itkän.

Höcümgä duçar bulğan maşina tulısınça cimerelgän, anda bulğan dürt keşe ülgän. Şulay uq, yuldan ütüçe motosiklda bulğan ike keşe yaralanğan, dip östäde agentlıq.

İzrail höcüme Doxa töbägendäge, kübesençäi toraq yortlar urnaşqan urında bula. Distälägän yortnıñ täräzäläre watılğan, dip xäbär itelä.

İzrail armiyäse bu höcümne rasladı häm anıñ "Xizbulla” ofitserlarına qarşı yünältelgän" buluın belderde.

Soñğı atnalarda Livan-İzrail çige boyunca kiyerenkelek arttı, Tel-Aviv, 2024nçe yılnıñ noyabrennän birle ğamäldä bulğan kileşüne sanğa suqmıyça, könyaq şähärlärgä hawa höcümen köçäytte.

İzrail saqlanu ministrı İsraêl Kats, "X" platformasında Livan ilbaşın "Hizbulla”nı qoralsızlandıru" turında çaralar kürmäwdä ğayepläde, bu İzrail taläp itkän adım ide.

"Xizbulla” ut belän uynıy," dip belderde ul, törkem qoralların tulısınça tapşırmasa, höcümnärne köçäytäçägen äytte.

Bu belderügä Livan yaisä “Xizbulla” tarafınnan şunduq añlatma birelmäde.

Avgust ayında Livan xökümäte barlıq qorallarnı däwlät kontrolenä alu planın rasladı. “Xizbulla” bu planğa qarşı çıqtı häm İzrail könyaqtağı biş basıp alınğan çik postlarınnan çigenmi torıp, qoralların tapşırmayaçağın belderde.

İzrail armiyäse 2023 yıl oktyabrendä başlanğan höcümnärdä Livanda 4 meñnän artıq keşene üterde, yaqınça 17 meñ keşene yaraladı, bu höcümnär 2024 yıl sentyabrendä tulı külämle bäreleşkä äylände.

Kileşü nigezendä, İzrail armiyäse bu yıl ğinwarda Livannıñ könyağınnan çigenergä tiyeş ide, ämma ul tulısınça çigenmäde häm çik buyında biş postta xärbilären totuın däwam itä.