Venesuêlanıñ waqıtlıça däwlät başlığı Delsi Rodriges üzeneñ sośial media akkauntında ileneñ cimergeç cir teträwlär säbäple tirän qayğıda buluın belderde.

Rodriges bolay dide:

“Bügen bez yaqınnarın yuğaltqan ğailälärneñ qayğısın urtaqlaşabız; yaralanğan, yuğalğan häm afättän zıyan kürgän barlıq cämğiyätlär öçen doğa qılabız. Ğömeren yuğaltqannar xörmätenä   min bügennnän (kiçä) säğat’ 18.00dän başlap 7 könlek milli matäm iğlan itäm. Bu awır könnärdä bez älege faciğäne kiçergän härkemne yaqlarğa süz biräbez”.

Venesuêlada ike zur cirteträw bulğan ide

AQŞ Geologik tikşerenülär üzäge  24 iyündä Venesuêlada 39 sekund ara belän 7,2 häm 7,5 zurlığında ike cirteträw buluın xäbär itkän ide.

Berläşkän Millätlär Oyışmasınıñ Üseş programması 26 iyündäge belderüendä cirteträwlär kitergän  turıdan-turı fizik zıyanınıñ bäyäsen 6,7 milliard dollar dip bäyäläde.

27 iyüngä cirteträwlärdän soñ tuğannarı tarafınnan yuğalğan dip xäbär itelgän keşelär sanı 68 meñnän artıp kitte, ä ülüçelär sanı  2 meñ 295kä citte.

Êzläw-qotqaru êşläre däwam itkän ildä hälaq bulğannar häm yaralanğannar sanı artaçaq digän borçılular bar.