Törkiyä ilbaşı Räcäp Täyyip Ärdoğan Berläşkän Ğaräp Ämirlekläre  däwlät başlığı Şäyex Möxämmäd bin Zayed Al Nahyan belän telefonnan söyläşte.

Törkiyä ilbaşı idaräse  êlemtä bülegeneñ “NSosyal” akkauntındağı belderügä  qarağanda, söyläşüdä  Törkiyä - Berläşkän Ğäräp Ämirlekläre mönäsäbätläre, regional häm global mäs'älälär qaraldı.

İlbaşı Ärdoğan Törkiyä belän Berläşkän Ğaräp Ämirlekläre arasında xezmättäşlekneñ küp ölkälärdä, ayıruça saqlanu sänäğate häm iqtisadta artıp däwam itäçägen, mönäsäbätlärne üsterü östendä êşläwlären belderde.

Ärdoğan Törkiyäneñ İran-AQŞ kiyerenkelegen häm töbäktäge oxşaş qarşılıqlı prośesslarnı beterergä tırışuın, tınıçlıqqa yunältelgän diplomatik kereşülärneñ  däwam itäçägen häm Törkiyäneñ  töbäktäge tuğandaş illärgä höcümnärne berqayçan da  xuplamawın bilgeläp ütte.

Törkiyä ilbaşı Ärdoğan şulay uq ike ilneñ başqa töbäk mäs’älälärendä dä xezmättäşlek itüeneñ möhimlegen assızıqladı.